سہیل انور سیال و دیگر کی ضمانت میں توسیع

سندھ ہائی کورٹ نے صوبائی وزیر سہیل انور سیال و دیگر کی درخواستِ ضمانت کی سماعت کرتے ہوئے ان کی ضمانت میں توسیع کر دی۔

دورانِ سماعت سہیل انور سیال اور جمیل سومرو سندھ ہائی کورٹ میں پیش ہوئے۔

صوبائی وزیر سہیل انور سیال کے 3 گھروں پر نیب کا چھاپہ، چار ایکڑ کا ایک گھر سرکاری زمین پر تعمیر ہوا

سکھر (بیورو رپورٹ) آمدن سے زائد اثاثہ جات کے کیس...

قومی احتساب بیورو (نیب) نے سہیل انور سیال اور دیگر کے خلاف پیش رفت سے عدالت کو آگاہ کر دیا۔

نیب پراسیکیوٹر نے عدالت کو بتایا کہ سہیل انور سیال اور دیگر کے خلاف انکوائری مکمل کر لی ہے، مزید کارروائی کے لیے معاملہ نیب ہیڈ کوارٹر کو ارسال کر دیا ہے۔

عدالتِ عالیہ نے آئندہ سماعت پر نیب سے پیش رفت رپورٹ طلب کر لی۔

سہیل انور سیال نے نیب پر من گھڑت اور حقائق کے منافی الزامات لگائے ہیں، نیب اعلامیہ

نیب کا کہنا ہے کہ سہیل انورسیال کی طرف سے پانی کا مسئلہ اٹھانے پر تحقیقات شروع کرنےکی بات حقائق کےمنافی ہے، نیب ہمیشہ آئین اور قانون کے مطابق فرائض سر انجام دینے پر یقین رکھتا ہے۔

سندھ ہائی کورٹ نے سہیل انور سیال، ظفر سیال اور جمیل سومرو کی ضمانت میں 17 اگست تک توسیع بھی کر دی۔

نیب کے مطابق سہیل انور سیال کے خلاف آمدن سے زائد اثاثے بنانے کی انکوائری چل رہی ہے۔