فرمان الہی
نماز کے اوقات
اسلام آباد(نمائندہ جنگ)چیف آف آرمی اسٹاف جنرل قمر جاوید باجوہ سے پاکستان میں چین کے سفیر نونگ رونگ نے منگل کو جی ایچ کیو میں ملاقات کی۔ ملاقات کے دوران باہمی دلچسپی کے امور ، دفاعی تعاون ، سی پیک پر پیش رفت اور علاقائی سلامتی کی صورتحال پر تفصیلی تبادلہ خیال کیا گیا۔پاک فوج کے شعبہ تعلقات عامہ کے مطابق چین کے سفیر نے خطے میں امن اور استحکام کے لیے پاکستان کی مخلصانہ کوششوں کو سراہا۔ انہوں نے اس عزم کا اعادہ کیا کہ چین پاکستان کو اسٹریٹجک پارٹنر کے طور پر سپورٹ کرتا رہے گا۔ ڈائریکٹر جنرل انٹر سروسز انٹیلی جنس (آئی ایس آئی) لیفٹیننٹ جنرل فیض حمید بھی اس موقع پر موجود تھے۔
