سندھ ہائی کورٹ نے پاکستان پوسٹ آفس سوسائٹی میں روڈ پر قبضے کے خلاف درخواست کی سماعت کے دوران محکمہ بورڈ آف ریونیو اور ایس بی سی اے سے جواب طلب کر لیا۔
عدالتِ عالیہ نے کراچی ڈیولپمنٹ اتھارٹی (کے ڈی اے) سے علاقے کا لے آؤٹ پلان طلب کر لیا ۔
سندھ ہائی کورٹ کی جانب سے ماسٹر پلان اور محکمۂ بورڈآف ریوینیو کو بھی نوٹس جاری کر دیئے گئے ہیں۔
عدالتِ عالیہ نے ڈی جی محکمۂ بورڈ آف ریوینیو، ایس بی سی اے اور دیگر کو جواب جمع کرانے کا حکم بھی دے دیا۔
کے ڈی اے کے وکیل نے عدالت کو بتایا کہ زمین بورڈ آف ریونیو کی ہے، اس سے کے ڈی اے کا کوئی لینا دینا نہیں ہے۔
درخواست گزار کے وکیل نے کہا کہ کے ڈی اے ہی نقشے پاس کر رہا ہے، تعمیرات کی اجازت دے رہا ہے۔
عدالت نے استفسار کیا کہ اگر زمین کے ڈی اے کی نہیں ہے تو نقشے کیسے پاس ہو رہے ہیں؟ علاقے کا لے آؤٹ پلان اور ماسٹر پلان پیش کیا جائے۔
کے ڈی اے کے وکیل کا یہ بھی کہنا ہے کہ لے آؤٹ پلان ماسٹر پلان والے دے سکتے ہیں۔