اس تصویر میں یہ بادل ہیں یا سمندر؟

June 27, 2022

اس حیرت انگیز تصویر کو دیکھنے والے سوشل میڈیا صارفین سوچ میں پڑ گئے ہیں کہ آسمان میں سمندر ہے یا سمندر کے بیچ سڑک جارہی ہے۔ تصویر حقیقی ہے یا پھر اسے فوٹوشاپ کیا گیا ہے۔

مینیسوٹا سے تعلق رکھنے والی ایک خاتون تھریسا برگن لوکاس (Theresa Birgin Lucas) نے اپنے فیس بک اکاؤنٹ پر بادلوں کی ایک حیرت انگیز تصویر شیئر کی جس کی پہلی جھلک سمندر کی موج کھاتی لہروں کی مانند محسوس ہوتی۔

ھریسا برگن لوکاس (Theresa Birgin Lucas) کا کہنا ہے کہ ’’اسے تصویر کلک کرتے وقت صرف گھر پہنچنے کی جلدی تھی، اپنی بیٹی کو راستے کا بتانے کی خاطر تصویر کلک کرکے بھیجی اس وقت نہیں معلوم تھا کہ طوفان کے باعث بننے والے بادل لہروں کی طرح دکھائی دے رہے ہیں۔ گھر پہچنے پر بیٹی نے بتایا کہ یہ بہت خوبصورت تصویر کلک ہوئی ہے‘‘۔

="">

تصویر سوشل میڈیا پر شیئر ہوتے ہی وائرل ہوگئی جس پر صارفین کے ملے جلے رجحان سامنے آرہے ہیں۔ کوئی تصویر کی خوبصورتی کی تعریف کر رہا ہے تو کوئی اسے فوٹوشاپ قرار دے رہا ہے۔