لندن(نمائندہ جنگ)برطانیہ میں ڈرائیوروں کو قانون توڑنے، موبائل فون استعمال کرنے اور دیگر جرائم کو روکنے کیلئے پولیس نئے اور جدید کیمروں کی مدد حاصل کرے گی، اس سلسلے میں ڈیون اور کارن وال میں پولیس کی جانب سے موبائل فون استعمال کرنے والے ڈرائیوروں کو پکڑنے کے لیے ایک مصنوعی ذہانت (AI) کا استعمال کرنے والا کیمرہ سسٹم آزمایا جا رہا ہے۔برطانوی میڈیا کے مطابق نئے کیمروں کو اگلے دو مہینوں میں دو شہروں کے منتخب راستوں پر نصب کیا جا رہا ہے۔اسٹریٹجک روڈز پولیسنگ لیڈ سپرنٹنڈنٹ ایڈرین لیسک نے کہا ہے کہ ڈرائیونگ کے دوران موبائل فون کا استعمال خطرناک اور غیر قانونی ہے۔انہوں نے کہا کہ برطانیہ میں لوگ اب بھی قواعد کو نظر انداز کر رہے ہیں، اے آئی اس بات کا تعین کرے گا کہ آیا گاڑی چلانے والے ہینڈ ہیلڈ موبائل فون استعمال کر رہے تھے یا ڈرائیور اور مسافر سیٹ بیلٹ کے بغیر تھے۔واضح رہے یہ نیا کیمرا گاڑی کی رفتار کا بھی تعین کر سکے گا، اگر کسی جرم کی صحیح نشاندہی کی گئی ہے تو ڈرائیور کو یا تو انتباہی خط یا مطلوبہ قانونی چارہ جوئی کا نوٹس بھیجا جائے گا۔ سپٹ لیسک نے کہا ہے کہ ڈرائیونگ کے دوران موبائل فون کا استعمال خطرناک اور غیر قانونی ہے۔ اس سے ڈرائیور، مسافروں اور سڑک استعمال کرنے والوں کی زندگیاں خطرے میں پڑ جاتی ہیں اور یہ ناقابل قبول ہے۔بار بار پیغام رسانی اور قانون میں تبدیلی کے باوجود جو کہ غیر قانونی ڈرائیونگ کے دوران لوگ موبائل فون استعمال کر رہے ہیں، افسوس کی بات ہے کہ اب بھی کچھ لوگ ایسے ہیں جو قوانین کو نظر انداز کرتے رہے ہیں۔ ایلیسن ہرنینڈز، پولیس اور کرائم کمشنر برائے ڈیون، کارن وال اور جزائر آف سائلی نے کہا ہے کہ ہم جانتے ہیں کہ ڈسٹربڈ ڈرائیونگ تصادم کی ایک عام وجہ ہے، یہی وجہ ہے کہ ڈرائیونگ کے دوران موبائل فون کا استعمال غیر قانونی ہے۔ایکوسینس سسٹم جیسی نئی ٹیکنالوجی کو اپنانے سے، ہمارے پاس ان قوانین کی تعمیل کو بہتر بنانے اور اس کے نتیجے میں اپنی سڑکوں کو سب کے لیے محفوظ بنانے کا موقع ملے گا۔