لاہور(خبرنگار) مذہبی اورسیاسی جماعتیں آج کشمیریوں سے اظہار یکجہتی کیلئے ریلیاں نکا لیں گی ۔جماعت اسلامی لاہورکے زیر اہتمام یکجہتی کشمیر موٹر سائیکل و کار ریلی نکالی جائے گی۔ جمعیت علماءپاکستان کے زیر اہتمام آج یوم یکجہتی کشمیر منایا جائے گا ، شہروں اور صوبائی دارالحکومتوں میں عظیم الشان ریلیاں اور کانفرنسز ہو نگی ۔ ا ڈاکٹر ابوالخیر محمد زبیر ،علامہ قاری محمدزوار بہادر ، پروفیسرڈاکٹر جاوید اعوان، سید محمد صفدر شاہ گیلانی ،حافظ نصیر احمد نورانی ،ملک محبوب قادری،مفتی تصدق حسین اور دیگر قائدین خطاب کریں گے۔سنی تحریک دن 2 بجے پریس کلب تا اسمبلی ہال چوک تک یوم یکجہتی کشمیر کے موقع پر صدائے کشمیر مارچ نکا لا جائے گا۔ مارچ کی قیادت سردار محمد طاہر ڈوگر ، ضلعی صدر محمد شریف الدین قذافی کریں گے۔