اسپانسر شپ حج اسکیم، کم درخواستیں موصول، وزارت کا تاریخ میں توسیع پر غور

March 31, 2023

اسلام آ باد ( نمائندہ جنگ) وزارت مذہبی امور نے اسپانسر شپ اسکیم کیلئے سفارت خانوں اور وزارت خارجہ سے مدد مانگ لی ہے۔سپانسر شپ حج اسکیم کے تحت وزارت کو توقع سے کم درخواستیں وصول ہوئی ہیں۔ وزارت مذہبی امور آخری تاریخ میں توسیع پر غور کر رہی ہے۔سپانسر شپ سکیم کے44 ہزار کوٹے کے تحت صرف 3ہزار 722درخواستیں ڈالرز کے ہمراہ جمع کروائی گئیں۔اسپانسر شپ سکیم میں اب تک 3 ہزار 722عازمین نے ڈالرز جمع کراکے کنفرم حج کا ٹکٹ کٹوایا۔سرکاری حج سکیم کے تحت 48ہزار 877 عازمین نے حج درخواستیں جمع کروائی ہیں۔