کراچی (اسٹاف رپورٹر) گرینڈ ڈیموکریٹک الائنس (جی ڈی اے) کے چیف کوآرڈینیٹر سید صدرالدین راشدی سے جی ڈی اے کے سیکریٹری جنرل ڈاکٹر صفدر عباسی سیکریٹری اطلاعات سردار عبدالرحیم کی ملاقات ہوئی جس میں مشاورت کے بعد فیصلہ کیا گیا کہ سندھ میں بھرپور عوامی رابطہ مہم شروع کرنے کے لیے تمام اضلاع میں جی ڈی اے کے ضلعی ورکرز کنوینشن منعقد کیے جائیں گے جن میں جی ڈی اے کی اعلیٰ قیادت شریک ہوگی ۔ جی ڈی اے کے ضلعی کنوینئرز کو اس حوالے سے ہدایت بھی جاری کردی گئی ہے ، ملاقات میں ملک اور بلخصوص سندھ کی مجموعی سیاسی صورتحال پر تبادلہ خیال کیا گیا ، جبکہ مہنگائی ، امن امان کی خراب صورتحال ، خراب طرز حکمرانی پر تشویش کا اظہار کیا گیا ، ملاقات میں جی ڈی اے کے چیف کوآرڈینیٹر سابق وفاقی وزیر سید صدر الدین شاھ راشدی نے کہا کہ سندھ کی عوام سالوں سے قابض زرداری لیگ کے حکمرانوں سے مکمل طور پر مایوس ہوچکی ہے ۔