اسلام آباد(کامرس رپورٹر )راکاپوشی کے دامن شاہراہ قراقرم کے آغوش اور سیاحوں کی جنت ہنزہ میں جدید سہولیات سے آراستہ پہلا فوراسٹار پی سی لگیسی ہوٹل سیاحوں کے لیے کھول دیاگیا۔ ہاشو گروپ کے ڈپٹی چیئرمین اور سی ای او مرتضیٰ ہاشوانی اور انکی اہلیہ سمیرا ہاشوانی نےگلگت بلتستان کے سینئر وزیر کرنل(ر) عبید اللہ بیگ، رانی عتیقہ، شہریار خان، میر آف ہنزہ ایاز کیلانی، محبوب علی بھولانی، فیصل سوانی، نذر شاہ اور پاکستان بھر سے آ نیوالے معزز مہمانو ں کے ہمراہ گلگت بلتستان کے پہلے فور سٹار ہوٹل پی سی لیگسی ناصر آباد ہنزہ کا افتتاح کیا۔اس موقع پرانہوں نے کہا کہ علاقے سے بیروز گاری کا خاتمہ کرکے سیرو سیاحت کو فروغ دینے اور نوجوانوں کو ہنر مند بنانے کے لئے ہم نے گلگت بلتستان میں پہلے فور سٹار ہوٹل میں 40فیصد خواتین کو ملازمت پررکھاگیا ہے ،ہوٹل میں 60فیصد مقامی لوگوں کو روزگار فراہم کیا ہے۔