اسلام آباد (کامرس رپورٹر) ملک میں سیاحت کے فروغ کے لئے سرینا ہوٹل اور آغاخان ایجنسی فار ہیبٹیٹ کے مابین مفاہمت کی یادداشتپر دستخط ہوگئے۔ ٹوارزم پروموشن سروسز لمٹیڈ سرینا ہوٹل کی جانب سے سی ای او عزیز بولانی اور آغا خان ایجنسی کی جانب سے سی ای او نصرت نصب نے سرینا ہوٹل اسلام آباد میں ایک تقریب میں معاہدے پر دستخط کئے۔ یہ معاہدہ ہنزہ اور سوست میں سرینا کے دو ہوٹلزکی ماحول دوست سرگرمیوں کے فروغ اور عمارت کی بہترین اور ماحول دوست ڈیزائن کی ایج سرٹیفکیشن سے متعلق کئے گئے ہیں۔