واشنگٹن( نیوز ڈیسک)سمندری طوفان اوفیلیا امریکی ریاست شمالی کیرولینا سے ٹکرا گیا، تیز ہواؤں کے ساتھ موسلادھار بارش کے باعث ہزاروں صارفین بجلی سے محروم ہو گئے۔امریکی میڈیا کے مطابق طوفان کے زیرِاثر ساحلی علاقوں میں 113کلومیٹر فی گھنٹا رفتار سے ہوائیں چلنے لگی جبکہ تیز ہواؤں کے ساتھ موسلادھار بارش کا سلسلہ بھی جاری ہے۔امریکی میڈیا کےمطابق شمالی کیرو لینا کی مشرقی کاؤنٹیز میں ہزاروں صارفین بجلی سےمحروم ہوگئے ہیں جبکہ شمالی کیرولینا اور ورجینیا کے کچھ حصوں میں 20سینٹی میٹرتک بارش کا امکان ظاہر کیا گیا ہے۔