اسلام آباد (این این آئی)وفاقی تحقیقاتی ادارے نے اسپین جانے والے مسافر کو آف لوڈ کردیا، ملزم کے پاسپورٹ پر اٹلی کا جعلی ویزا لگا ہوا تھا۔ایف ائی اے امیگریشن نے ملتان ایئرپورٹ پر کارروائی کرتے ہوئے اسپین جانے والے مسافر کو آف لوڈ کردیا۔ایف آئی اے حکام کے مطابق ملزم کی شناخت بابر اقبال کے نام سے ہوئی ہے، جو بین الاقوامی ائیر لائن سے بارسلونا جارہا تھا۔ملزم نے جعلی ویزا انسانی اسمگلر سے بھاری رقم کے عوض حاصل کیا تھا، تاہم ائرپورٹ پر ہی پکڑا گیا، ملزم کو مزید قانونی کارروائی کے لئے ایف آئی اے سرکل ملتان منتقل کردیا گیا ہے۔