کراچی ( اسٹاف رپورٹر) انٹر بینک میں ڈالر کی قیمت 20پیسے کم جبکہ اوپن مارکیٹ میں5پیسے تک بڑھ گئی، یورو کی قیمت میں94پیسے تک کی کمی،پاؤنڈ کی قیمت بھی88پیسے تک گھٹ گئی، فاریکس ایسوسی ایشن کی جاری کردہ رپورٹ کے مطابق جمعرات کو روپے کے مقابلے پر انٹر بینک میں20پیسے کی کمی سے ڈالر کی قیمت خرید 278.40 روپے سے کم ہو کر 278.20روپے اور قیمت فروخت 278.55 روپے سے کم ہو کر 278.35 روپے ہوگئی۔دوسری جانب اوپن مارکیٹ میں ڈالر کی قیمت خرید 5 پیسے کے اضافے سے 277.00روپے سے بڑھ کر 277.05 روپے اور قیمت فروخت ایک پیسے کے اضافے سے 279.54روپے سے بڑھ کر 279.55 روپے ہو گئی۔فاریکس رپورٹ کے مطابق یورو کی قیمت خرید 94 پیسے کی کمی سے 299.26 روپے سے کم ہو کر 298.32 روپے اور قیمت فروخت 91 پیسے کی کمی سے 302.07روپے سے کم ہو کر 301.16 روپے ہو گئی۔ رپورٹ کے مطابق جمعرات کو برطانوی پاؤنڈ کی قیمت خرید59پیسے کی کمی سے 351.34 روپے سے کم ہو کر 350.75 روپے اور قیمت فروخت 88 پیسے کی کمی سے 354.73 روپے سے کم ہو کر 353.85 روپے رہ گئی۔