• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سانحہ مری نے حکومتی کارکردگی بے نقاب کردی ،شیعہ علماء کونسل

میرا شہر
لاہور
11 جنوری ، 2022
لاہور(خصوصی رپورٹر)شیعہ علماءکونسل کے مرکزی نائب صدر علامہ سید سبطین حیدر سبزواری نےاپنے بیان میں کہا کہ سانحہ مری نے حکومتی کارکردگی بے نقاب کردی ۔مری میں برفباری کے باعث جاں بحق ہونے والے افراد کے اہل خانہ سے اظہار تعزیت کرتے ہوئے اسے قومی سانحہ قرار دیا ہے۔ انہوں نے کہا کہ سانحہ مری نے حکومتی کارکردگی کو بے نقاب اور قوم کو سوگوار کردیا ہے۔ حکومت کے سیاحت کو فروغ دینے کے بلند بانگ دعووں اور سیاحوں کے لئے ناقص انتظامات کی قلعی کھول دی ہے۔ انہوں نے کہ وزیر اعظم سیاحت کو فروغ دینے کے دعوے کرتے نہیں تھکتے جبکہ دوسری طرف حکومت کے پاس ریاستی مشینری سیاحوں کو سہولیات تو درکنا ر انہیں تحفظ دینے میں نہ صرف ناکام ہے بلکہ قدرتی حادثات سے نمٹنے کی صلاحیت اور مشینری بھی موجود نہیں ہے۔
لاہور سے مزید