فرمان الہی
نماز کے اوقات
کراچی (اسٹاف رپورٹر) مسقط میں لیجنڈز لیگ ڈیرن سیمی کی ورلڈ جائنٹس نے جیت لی۔ مصباح الحق کی قیادت میں ایشیا لائنز کو فائنل میں 25 رنز سے شکست ہوئی۔ ایشین لائنز نے انڈین مہارجاز کو فائنل میں جانے سے روکا اس ٹیم میں محمد یوسف اور شعیب ملک کے علاوہ سری لنکا اور بنگلہ دیش کے کھلاڑی شریک تھے۔فائنل میں ورلڈ جائنٹس نے پانچ وکٹ 256 رنز بنائے۔ کورےاینڈرسن نے 8 چھکے اور 7 چوکے لگاکر 94 رنز کی ناٹ آئوٹ اننگز کھیلی ۔ کیون پیٹرسن نے 48 اور ڈیرن سیمی نے37 رنز بنائے۔نوان کلاسیکرا نے 3 وکٹ لیے ۔ جوابی اننگز میں ایشیا لائنز کی ٹیم8 وکٹ پر 231 رنز بناسکی، محمد یوسف 39 رنز بناکر ناٹ آؤٹ رہے، جے سوریا نے 38 ، اپل تھرنگا اور دلشان نے 25،25 رنز بنائے۔ شعیب اختر ان فٹ ہوکر اسپیل مکمل نہ کرسکے۔ ٹورنامنٹ میں وسیم اکرم، عمر گل، محمد حفیظ ، کامران اکمل بھی شریک تھے۔
