فرمان الہی
نماز کے اوقات
کراچی(اسٹاف رپورٹر)نیوزی لینڈ میں آئی سی سی خواتین ورلڈ کپ میں شرکت کے لیے گئی پاکستان کرکٹ ٹیم کو کرائسٹ چرچ میں چہل قدمیکی اجازت مل گئی۔ آئسولیشن میں موجود کرکٹرزاب آؤٹ ڈور واک کر سکتی ہیں،پاکستان ٹیم آئی سی سی ورلڈ کپ میں اپنا پہلا میچ 6 مارچ کو بھارت کے خلاف کھیلے گی۔ قومی اسکواڈ نیوزی لینڈ میں دس روز کی آئسولیشن مکمل کر رہا ہے۔نیوزی لینڈ پہنچنے پر اسکواڈ کی کوویڈ ٹیسٹگ کلیئر آئی ہے جبکہ تین ارکان میں پہلے سے وائرس کے اثرات موجود تھے۔پاکستان میں تین خواتین کرکٹرز کورونا وائرس کا شکار ہو ئی تھیں۔پاکستان ویمن ٹیم تین روز قبل نیوزی لینڈ پہنچی تھی۔آئی سی سی ویمنز ورلڈ کپ 4 مارچ سے 3 اپریل تک نیوزی لینڈ میں کھیلا جائے گا، پاکستان ٹیم 27 فروری کو نیوزی لینڈ کے خلاف پہلا وارم آپ میچ کھیلے گی جبکہ دوسرا وارم آپ میچ 2 مارچ کو بنگلہ دیش کے خلاف کھیلا جائے گا۔
