فرمان الہی
نماز کے اوقات
کراچی (اسٹاف رپورٹر) دوسرے ایشز ٹیسٹ کی پہلی اننگز میں آسٹریلیا نے دوسرے روز جمعے کوکھیل کے اختتام پر 6 وکٹوں پر 378 رنز بنا کر انگلینڈ کے خلاف 44 رنز کی برتری حاصل کرلی۔ ایلکس کیری 46 اور مائیکل نیسر 15 رنز بناکر کریز پر موجود ہیں۔ جیک ویدرالڈ 72، مارنس لبوشین 65، کپتان اسٹیو اسمتھ 61، کیمرون گرین 45، ٹریوس ہیڈ 33 اور جوش انگلس 23 رنز بناکر آؤٹ ہوئے۔ انگلینڈ کی جانب سے برائیڈن کارس نے 3، بین اسٹوکس نے 2 اور جوفرا آرچر نے ایک وکٹ حاصل کی۔ قبل ازیں برسبین میں میچ کے دوسرے روز انگلش ٹیم اپنے اسکورمیں صرف 9 رنز کا اضافہ کرسکی، 334 رنز پر آؤٹ ہوگئی۔جوفرا آرچر 38 رنز بناکر آؤٹ ہوئے۔ مارنس لبوشین نے ہوا میں اڑتے ہوئے ان کا کیچ پکڑا، جو روٹ 138 رنز بناکر ناقابل شکست رہے ۔ جو روٹ کی مجموعی طور پر 40 ویں جبکہ آسٹریلوی سرزمین پر ان کے کیریئر کی پہلی ٹیسٹ سنچری ہے۔ وہ ٹیسٹ کرکٹ میں 40 سنچریز بنانے والے چوتھے کھلاڑی بھی بن گئے ہیں۔ مچل اسٹارک نے 6 جبکہ مائیکل نیسر، برینڈن ڈوگٹ اور اسکاٹ بولینڈ نے ایک ایک وکٹ حاصل کی۔ یہ جنوری 2018 کے بعد پہلا موقع ہے جب انگلینڈ نے آسٹریلیا میں کسی ٹیسٹ اننگز میں 300 رنز بنائے ہیں۔
