یوکرین: جوڑے نے فضائی حملوں کی گونج میں شادی کرلی

یوکرین کے دارالحکومت کیف میں ایک جوڑے نے فضائی حملوں کی گونج میں شادی کر لی۔

بین الاقوامی میڈیا رپورٹس کے مطابق یارینا اریوا اور اس کے ساتھی سویاتوسلاو فرسین نے مئی میں یوکرین کے دارالحکومت کیف کے ایک ریستوران کی چھت پر شادی کرنے کا منصوبہ بنایا تھا لیکن انہیں اپنے منصوبوں کو ترک کرنا پڑا۔

جوڑے نے مئی میں شادی کا منصوبہ ترک کرتے ہوئے دو روز قبل شادی کرلی، شادی کی تقریب میں پُرسکون اور خوبصورت ماحول کی جگہ فضائی حملوں کی خوفناک گونج سُنی گئیں۔

اریوا اور مسٹر فرسین نے اپنی شادی کے دن کو آگے بڑھانے کا فیصلہ کیا تھا کیونکہ انہیں یقین نہیں تھا کہ مستقبل کیسا ہوگا۔ تناؤ گزشتہ کئی روز سے بڑھ رہا تھا اور آخر کار وہی ہوا جس کا انہیں سب سے زیادہ خدشہ تھا۔

ویڈیو: یوکرائنی خاتون روسی فوجیوں کے سامنے ڈٹ کر کھڑی ہوگئی

یوکرائنی خاتون روسی فوجیوں کے سامنے بےخوف ڈٹ کر کھڑی ہوگئی جس کی ویڈیو سوشل میڈیا پر وائرل ہوگئی۔

روسی افواج، جو سرحدوں پر مشقیں کر رہی تھیں، اچانک پہلے سے کہیں زیادہ قریب نمودار ہوئیں اور یوکرین کے کیف اور دوسرے بڑے شہروں پر میزائلوں کی بارش شروع ہو گئی۔

بے چینی نے خوف کو جنم دیا اور یوکرین کے باشندے شہروں کو چھوڑ کر محفوظ مقامات پر جانے لگے اور جو لوگ شہر چھوڑ نہیں سکتے تھے وہ پناہ گاہوں کی تلاش میں تھے۔ یہ وہ مناظر تھے جس نے جوڑے کو جلد بازی میں شادی کا فیصلہ کرنے پر مجبور کیا۔

21 سالہ اریوا کیف سٹی کونسل کی ایک نائب ہیں جبکہ 24 سالہ مسٹر فرسین سافٹ ویئر انجینئر ہیں، یہ جوڑا اپنی شادی کی تصاویر میں غمگین نظر آیا۔

یوکرینی صدر کا نیا ویڈیو بیان جاری

یوکرین کے صدر زیلنسکی نے کہا ہے کہ ہم سب یہاں اپنی آزادی کا دفاع کر رہے ہیں۔

اریوا نے میڈیا سے گفتگو کرتے ہوئے کہا کہ یہ بہت خوفناک تھا، شادی آپ کی زندگی کا سب سے خوشگوار لمحہ ہوتا ہے لیکن شادی کے دوران ہی ہمارے کانوں میں میوزک کے بجائے فضائی حملوں کی آوازیں آئیں۔