فرمان الہی
نماز کے اوقات
کراچی (اسٹاف رپورٹر)پاکستان پیپلزپارٹی کے چیئرمین بلاول بھٹو زرداری عوامی مارچ میں شرکت کیلئے روانگی پرشہید بے نظیر بھٹو کی صاحبزادی بی بی آصفہ بھٹو زرداری نے چیئرمین بلاول بھٹو زرداری کو امام ضامن باندھا جسکے بعد وہ روانہ ہوئے۔ پیپلزپارٹی کے چیئرمین بلاول بھٹو زرداری مزار قائد پہنچنے پر بلاول بھٹو کی آمد پر صوبائی وزیر سعید غنی نے پرجوش نعرے لگوا کر چیئرمین کا استقبال کیا۔ عوامی لانگ مارچ میں شرکت کیلئے مزار قائد پہنچنے والے پیپلزپارٹی کے ورکرز نے بلاول بھٹو زرداری کا فلک شگاف نعروں سے بھرپور استقبال کیا۔عوامی لانگ مارچ سے قبل بلاول بھٹو زرداری کی آمد پر ان کا فقید المثال استقبال کیا۔ وزیراعظم بلاول بھٹو کے نعرےلگائے۔لانگ مارچ میں چھوٹی وبڑی سیکڑوں گاڑیوں کاروں منی وین ہائی ایس کوچز منی بسز کنٹینرز میں سوار ہزاروں افراد گاڑیوں سے باہر نکل کر قائد کا استقبال کیا۔ لانگ مارچ کے شرکاء کا مزار قائد پر وکٹری کا نشان بنا کر بلاول بھٹو سے یکجہتی کا اظہار کیا۔ پیپلزپارٹی ورکرز کے فلک شفاف نعروں خیر مقدمی نغموں اور ترانوں نے جیالوں کا لہو گرما دیا، عوامی لانگ مارچ کے شرکا اسلام آباد جانے اور بلاول بھٹو کی ہدایت پر ہر قربانی دینے کیلئے پرعزم ہیں، وزیر اعظم بلاول بھٹو زرداری کے فلک شگاف نعروں سے مزار قائد اطراف کا علاقہ گونج اٹھا، سلیکٹڈ حکومت پر جمہوری وار کیلئے پیپلزپارٹی کا عوامی لانگ مارچ مزار قائد سے بلاول بھٹو کی قیادت میں روانہ ہوئے۔ بلاول بھٹو زرداری کی قیادت میں عوامی لانگ مارچ کے شرکاء کے لئے اسلام آباد روانہ ہوئے۔ لانگ مارچ کے قافلے مزارقائد سے روانہ شروع ہوگئے۔
