• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹریفک حادثہ میں جاں بحق نوجوان باکسر علی تعظیم کی نماز جنازہ ادا

آج کا اخبار
یورپ سے
25 اپریل ، 2022
برمنگھم( نمائندگان جنگ) ورلڈ چیمپئن باکسر برٹش باکسر عامر خان کے شاگرد 18سالہ نوجوان باکسر علی تعظیم ٹریفک حادثہ میں چند روز قبل وفات پا گئے تھے، کی نماز جنازہ آسٹن پارک میں ہزاروں سوگواروں کی موجودگی میں ادا کردی گئی۔ پیر نورالعارفین صدیقی سجادہ نشین آستانہ عالیہ نیریاں شریف نے نماز جنازہ پڑھائی، ٹریفک حادثے میں علی تعظیم کے ساتھی سفیان ناظم جو شدید زخمی تھے،وہ بھی گزشتہ روزوفات پا گئے۔ سفیان ناظم پاکستان تحریک انصاف برطانیہ کے رہنما ناظم گجر کے صاحبزادہ تھے، دونوں اموات پر ہر آنکھ اشکبار ہے۔ اس موقع پر بیرسٹر کرامت حسین، غفور کھاڑک، چوہدری اشتیاق ،چوہدری شہزاد، رفیق چشتی، حافظ فاروق، مرزااختر، چوہدری شاہ نواز، فاروق القادری، علامہ انیس ،عبدالغفور، اعجاز شامی اور دیگر نے چوہدری عظیم، چوہدری تعظیم، چوہدری حنیف، چوہدری سعید سے ان کے پوتے کی موت پر گہرے دکھ و غم کا اظہار کیا۔ ہزاروں سوگواروں نے نوجوانوں کو بخشش کے لیے دعا کی اور لواحقین کے صبر و جمیل کے لیے دعا کی۔ 
یورپ سے سے مزید