عمران نیازی سیاست بچانے کیلئے قوم کو امریکی غلام ثابت کررہے ہیں، احسن اقبال

وفاقی وزیر منصوبہ بندی احسن اقبال نے کہا ہے کہ عمران نیازی اپنی سیاست بچانے کیلئے پوری قوم کو امریکا کا غلام ثابت کر رہے ہیں۔

سازش کے ایک ایک کردارکا پتا ہے، عمران خان

نجی ٹی وی کو دیے گئے ایک انٹرویو میں سابق وزیراعظم نے کہا کہ نیب کا تماشا دیکھ رہا ہوں، نئی حکومت آتے ہی نیب نے فرح خان پر کیس کردیا۔

اسلام آباد سے جاری بیان میں احسن اقبال نے کہا کہ پاکستانی خود دار اور باوقار قوم ہے، 28 مئی 1998 کے بعد کوئی پاکستان کو ڈکٹیشن نہیں دے سکتا۔

انہوں نے کہا کہ پاکستان غلامی میں نہیں، عمران خان ذہنی پستی میں جارہے ہیں، مضبوط معیشت ہی مضبوط اور آزاد پاکستان کی ضمانت ہے۔

وفاقی وزیر نے استفسار کیا کہ عمران نیازی بتائیں کیا 2018 میں امریکا انہیں دھاندلی سے اقتدار میں لایا تھا؟

شیخ رشید کی خانہ جنگی کی خواہش کبھی پوری نہیں ہوگی، رانا ثنا اللہ

وفاقی وزیر داخلہ رانا ثنا اللہ نے کہا ہے کہ شیخ رشید جیسے لوگ معاشرے میں فتنہ اورخانہ جنگی کے حالات پیدا کرتے ہیں۔

اُن کا کہنا تھا کہ دھاندلی کی حکومت کو جمہوری قوتوں نے آئینی طریقہ سے نکالا، عمران نیازی دنیا میں پاکستان کو تنہا کر کے دشمنوں کا ایجنڈا پورا کر رہے ہیں۔

احسن اقبال نے مزید کہا کہ اگر سازش کے کرداروں کا پتہ ہے تو قوم کے سامنے رکھیں ڈرامہ نہ کریں، عمران نیازی کی سیاست کا لیول فرح گوگی کا دفاع رہ گیا ہے۔