• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایران چند ہفتوں میں ایٹمی ہتھیار بنا سکتا ہے، امریکا، مختلف ممالک نے سرجوڑلئے

آج کا اخبار
یورپ سے
08 مئی ، 2022
واشنگٹن/تہران (اے ایف پی /نیوز ڈیسک) امریکی حکام نے خدشہ ظاہر کیا ہے کہ ایران چند ہفتوں میں ایٹمی ہتھیار بنا سکتا ہے۔ وائٹ ہاوس کی ترجمان جین ساکی نے کہا ہے کہ ایران ایک برس سے کم مدت میں ایٹمی ہتھیار تیار کر سکتا ہے ،جو امریکاکے لیے پریشان کن بات ہے۔اس سے قبل امریکی وزیرخارجہ انتھونی بلنکن نے بھی ان خدشات کا اظہار کرتے ہوئے کہا کہ کچھ عرصے میں ایران نے اپنے جوہری پروگرام کی رفتار بڑھا دی ہے۔دوسری جانب ایران کو ایٹم بم بنانے سے روکنے کیلئے امریکہ،اسرائیل سمیت کئی ممالک نے سر جوڑ لیے،دوسری جانب یورپی یونین کے رابطہ کار نے ایران کا دورہ کرکے ایرانی مذاکراتی چیف اور وزیر خارجہ سے ملاقات کی ہے ۔اے ایف پی کے مطابق انٹونی بلنکن صحراء النقب میں وہ اسرائیل، مراکش ، مصر ، بحرین اور متحدہ عرب امارات کے وزرائے خارجہ سے ملاقاتیں کریں گے اور 2020میں عرب اسرائیل تعلقات کی بحالی میں ایک نئی پیش رفت کی کوشش کریں گے۔ تفصیلات کے مطابق امریکہ کے وزیر خارجہ انٹنی بلنکن نے کہا ہے کہ امریکہ اور اسرائیل ایران کو ایٹم بم بنانے سے روکنے پر متفق ہیں۔ اسرائیل کا کہنا ہے کہ بحال ہونے والا معاہدہ ایرانی خطرے کو روکنے کے لیے کافی نہیں ہو گا۔امریکی وزیر خارجہ نے اسرائیلی ہم منصب یائرلاپید سے بات چیت میں کہا کہ امریکہ کا ماننا ہے ایران کے ساتھ ایٹمی معاہدے کی بحالی ’ایران کے ایٹمی پروگرام کو اس ڈبے میں واپس بند کرنے کا بہترین طریقہ ہے جس میں وہ تھا لیکن اسے باہر نکلنے کا موقع مل گیا۔‘دوسری جانب ایران کا اصرار ہے کہ اس کا ایٹمی پروگرام صرف شہری استعمال کے لیے ہے۔ ‘لاپید نے کہا کہ اسرائیل ایران کے ایٹمی پروگرام کو روکنے کے لیے کچھ بھی کرے گا، کچھ بھی جس کے بارے میں اس کا ماننا ہے کہ یہ کرنے کی ضرورت ہے۔ ہمارے نقطہ نظر سے ایرانی خطرہ زبانی بات نہیں۔ ایرانی اسرائیل کو تباہ کرنا چاہتے ہیں۔ وہ کامیاب نہیں ہوں گے ہم انہیں کامیاب نہیں ہونے دیں گے۔ امریکی وزیر خارجہ نے اسرائیل میں منفرد اجلاس میں شرکت کے لیے آنے والے اسرائیلی اور عرب شراکت داروں کو یقین دلانے کی کوشش کی ہے کہ امریکہ ایرانی خطرے کا مقابلہ جاری رکھے گا۔
یورپ سے سے مزید