فرانس کا ایران میں اپنے شہریوں کی گرفتاری پر احتجاج

پیرس(رضا چوہدری) دو فرانسیسی شہریوں کی ایران میں گرفتاری کے خلاف بھرپور احتجاج کیا گیا جبکہ فرانس کی وزارت خارجہ نے ایران میں زیر حراست دو فرانسیسی شہریوں کے "فوری رہائی کا" مطالبہ کیا، تہران کی ایٹمی وزارت کے ایک روز قبل اعلانیہ کہ ایران کو "غیر مستحکم" کرنے کی کوشش کرنے پر دو یورپی شہریوں کو گرفتار کیاگیا ہے "فرانسیسی حکومت نے اس بے بنیاد گرفتاری کی مذمت کی۔ فرانسیسی وزارت خارجہ نے ایک بیان میں کہا کہ پیرس میں ایران کے نمائندے طلب کیا گیا جبکہ تہران میں فرانس کے سفیر نے گرفتارافراد تک قونصلر رسائی حاصل کرنے کے لئے ایرانی حکام سے رابطہ کیا ہے۔ فرانسیسی اساتذہ یونین نے کہا ہے کہ اس کے اراکین میں سے ایک لاپتہ ہیں جواپنے ساتھی کے ساتھ ایران میں چھٹی پرگئے تھے۔کرسٹوف Lalande، FNEC FP-FO یونین کے وفاقی سیکرٹری ہیں۔انہوں نے خدشہ ظاہر کیا کہ انہیں ایران میں گرفتارکیاگیا ہے۔واضح رہے کہ ایرانی خفیہ ایجنسی نے 2یورپی شہریوں کو حراست میں لیا ہے ۔ تہران حکام کا الزام ہے کہ ملزمان ایران میں افراتفری اور سماجی تفریق پھیلانا چاہتے تھے۔