کم ٹی وی دیکھنے سے دل کی بیماری کا خطرہ کم ہوسکتا ہے: تحقیق

ایک نئی تحقیق کے مطابق اگر لوگ ٹیلی ویژن دیکھنے کے دورانیے کو دن میں ایک گھنٹے سے بھی کم کر دیں تو دل کی بیماری کے تقریباً 11 فیصد کیسز کو روکا جا سکتا ہے۔

اگر آپ ایک ایسے انسان ہیں جو ہر روز ٹیلی ویژن دیکھنے میں کافی وقت گزارتے ہیں، تو آپ کو دل کی بیماری میں مبتلا ہونے کا زیادہ خطرہ ہو سکتا ہے۔

ہانگ کانگ یونیورسٹی کے ایک اسسٹنٹ پروفیسر اور تحقیق کے مصنف ڈاکٹر ینگ وون کم نے کہا کہ ٹی وی دیکھنے میں وقت کم کرنے کو ’’کورونری‘‘ دل کی بیماری کی روک تھام کے لیے ایک اہم رویے کے ہدف کے طور پر تسلیم کیا جانا چاہیے۔

پروفیسر اور ان کی ٹیم نے بتایا کہ پہلے کی تحقیق میں جسم میں گلوکوز اور کولیسٹرول کی منفی سطحوں کے ساتھ زیادہ ٹیلی ویژن دیکھنے کے دورانیے کے درمیان تعلق پایا گیا تھا۔

انہوں نے مزید کہا کہ ان کارڈیو میٹابولک رسک مارکروں کی ناموافق سطح پھر کورونری دل کی بیماری کے بڑھنے کے خطرے کا باعث بن سکتی ہے۔

تحقیق میں بتایا گیا کہ جو لوگ دن میں ایک گھنٹہ یا اس سے کم ٹی وی دیکھتے ہیں ان میں دل کی بیماری کا خطرہ چار یا اس سے زیادہ گھنٹے دیکھنے والوں کے مقابلے میں 16 فیصد کم ہوتا ہے اور جو لوگ دن میں دو سے تین گھنٹے ٹیلی ویژن دیکھتے ہیں، ان میں خطرہ 6 فیصد کم تھا۔

محققین کو دل کی بیماری کے خطرے اور فرصت کے وقت کمپیوٹر کے استعمال کے درمیان کوئی تعلق نہیں ملا۔

انسانی آنتوں میں بھوک کو کنٹرول کرنے میں مدد دینے والا قدرتی نظام دریافت

ایک تحقیق میں بتایا ہے کہ انسانی بڑی آنت (colon) میں موجود خاص بیکٹیریا اور خلیے (cells) دماغ کو براہِ راست سگنل بھیج سکتے ہیں، جو یہ بتاتے ہیں کہ جسم کو مزید خوراک کی ضرورت نہیں، یوں بھوک کم ہوجاتی ہے۔

صرف 7 ہزار قدم روزانہ چلنا آپ کی جان بچا سکتا ہے: تحقیق میں انکشاف

تحقیق میں 10 ممالک سے 160,000 بالغ افراد کے ڈیٹا کو شامل کیا گیا اور یہ اب تک کی سب سے بڑی سائنسی تحقیق سمجھی جا رہی ہے جو روزمرہ قدموں کی تعداد اور صحت کے درمیان تعلق کو واضح کرتی ہے۔

تیزابیت کا حل سونف میں پوشیدہ

تیزابیت یا ایسیڈیٹی نظامِ ہاضمہ کے چند بڑے مسائل میں سے ایک ہے، جو بظاہر تو ایک معمولی طبی مسئلہ لگتا ہے کہ مگر جس شخص کو اس کا سامنا ہوتا ہے، اس کے لیے یہ تجربہ انتہائی ناخوشگوار ثابت ہوتا ہے۔ اکثریت اس مسئلہ کے پیش نظر بےحد پریشان نظرآتی ہے۔

بلوچستان میں ہیپاٹائٹس کے مریضوں کی تعداد میں تشویشناک اضافہ

صوبۂ بلوچستان میں ہیپاٹائٹس کے مریضوں کی تعداد میں تشویشناک اضافہ دیکھنے میں آیا ہے، رواں سال کے دوران اب تک ہیپاٹائٹس بی اور سی کے 16 ہزار سے زائد کیسز رپورٹ ہو چکے ہیں۔

میک اپ کا روزانہ استعمال خواتین میں دمہ کی وجہ بن سکتا ہے: نئی تحقیق

صرف بلش اور لپ اسٹک ہفتے میں 5 یا اس سے زائد مرتبہ استعمال کرنے والی خواتین میں دمہ کا خطرہ 18 فیصد بڑھا جبکہ فیک نیلز، لپ اسٹک اور بلش استعمال کرنے والی خواتین میں یہ خطرہ 47 فیصد تک بڑھ گیا۔

شدید غم سے قبل از وقت موت کا خطرہ دگنا ہوجاتا ہے، تحقیق

ایک نئی طبی تحقیق سامنے آئی ہے جس میں کہا گیا ہے کہ جو لوگ کسی عزیز کی موت یا کسی اور شدید غم میں مبتلا ہوتے ہیں، ان کے اس نقصان کے ایک دہائی کے اندر مرنے کا امکان تقریباً دگنا ہو جاتا ہے۔