فرمان الہی
نماز کے اوقات
معروف امریکی اداکار و گلوکار جانی ڈیپ جوکہ حال ہی میں اپنی سابقہ اہلیہ، ایمبر ہرڈ کے خلاف ہتکِ عزت کا مقدمہ جیتے ہیں، مسلسل اداکارہ انجلینا جولی کو نظر انداز کرتے نظر آرہے ہیں۔
جانی ڈیپ کے فوٹو اینڈ ویڈیو شیئرنگ ایپ انسٹا گرام پر فالوورز کی تعداد ہتکِ عزت کا مقدمہ جیتنے کے بعد دوگنی ہوگئی ہے، جبکہ خود اداکار نے بھی اپنے بہت سے ساتھی اداکاروں کو انسٹاگرام پر فالو کرنا شروع کیا ہے، جن میں اداکارہ جینیفر اینسٹن اور گال گیڈوٹ بھی شامل ہیں۔
تاہم، سوشل میڈیا صارفین کو اس بات پر کافی حیرانی ہے کہ آخر جانی ڈیپ اپنی دیرینہ دوست، اداکارہ انجلینا جولی کو فالو کیوں نہیں کررہے ہیں۔
یاد رہے کہ انجلینا جولی نے ایک اچھے دوست کی حیثیت سے جانی ڈیپ کو ایمبر ہرڈ کے بارے میں پہلے سے متنبہ کیا تھا اور 2010 میں فلم ’دی ٹورسٹ‘ کے پروموشنل ایونٹ کے دوران جانی ڈیپ کے سامنے ایمبر ہرڈ کے بارے میں اپنی ناپسندیدگی کا اظہار بھی کیا تھا۔
2014 کی ایک رپورٹ کے مطابق، انجلینا جولی کو ایمبر ہرڈ اس وقت سے ہی ناپسند ہیں، جب ان کے جانی ڈیپ کے ساتھ قریبی تعلقات قائم ہوئے۔
