کراچی (اسٹاف رپورٹر) کمشنر کراچی محمد اقبال میمن نے لوڈشیڈنگ کے مسئلے کے حل کےلئے بدھ کو اپنے دفتر میں اجلاس طلب کرلیا اجلاس میں کے ای کے اعلی افسران ، عوامی نمائندے اور کراچی انتظامیہ کے اعلی افسران شرکت کرینگے ۔ دریں اثناءکمشنر کراچی نے اپنے دفتر میں کے الیکٹرک کے چیف ڈسٹری بیوشن آفیسرعامر ضیاءسے ملاقات کی اس موقع پر ڈی آئی جی پولیس ساوتھ شرجیل کھرل ، ڈپٹی کمشنر ساوتھ کیپٹن (ر) عبدالستار عیسانی ، ڈپٹی کمشنر کیماڑی مختیار علی ابڑو اور کراچی انتظامیہ کے دیگر افسران موجودتھے۔