فرمان الہی
نماز کے اوقات
کراچی (اسٹاف رپورٹر) سچل کی پولیس نے شہری کو لٹنے سے بچا لیا، سچل پولیس کی موبائل نے دوران گشت سروس روڈ د پر گاڑیوں کے شوروم کے قریب دیکھا کہ ایک شہری شاہد خان ولد نعمت غفار کو 4 ڈاکو لوٹ رہے ہیں، اسی دوران شہری کی آواز پر پولیس نے4ڈاکوئوں کو رنگے ہاتھوں گرفتار کرلیا، گرفتار ملزمان میں شیر علی ولد رضا،ز خان ولد وزیر خان، حمید خان ولد احمد شاہ اور وزیر خان ولد احسان اللہ شامل ہیں،گرفتار ملزمان کے قبضے سے 4عدد 30بور پستول، لوڈ میگزین اور شہری سے چھینا ہوا موبائل فون اور چھینا ہوا کیش اور اہم کاغذات بھی برآمد کرلیے گئے،ملزمان اس سے قبل بھی تھانہ سچل کی حدود میں کی گئی وارداتوںمیں ملوث ہیں ، ملزمان عادی جرائم پیشہ ہیں جنہوں نے دوران تفتیش سہراب گوٹھ ،سائٹ سپر ہائی وے، مبینہ ٹاون اور متعدد تھانوں کی حدود میں بھی وارداتیں کرنے کا انکشاف کیا ہے، گرفتار ملزمان کے خلاف مقدمہ نمبر1285/2022 مقدمہ نمبر 1288/2022 درج کر کے تفتیش ایس آئی ا وکے سپرد کردی گئی۔
