کراچی (نیوز ڈیسک) کراچی یونین آف جرنلسٹس (دستور ) نے ایران پر اسرائیلی حملوں کی مذمت کی ہے ، کے یو جے کے صدر نصراللہ چوہدری اور سیکرٹری جنرل ریحان چشتی نے واضح کیا کہ کراچی کی صحافی برادری ایران کے عوام اور صحافتی بھائیوں کے شانہ بشانہ کھڑی ہے۔ کراچی یونین آف جرنلسٹس (دستور) کی گورننگ باڈی کا دوسرا اجلاس صدر نصراللہ چوہدری کی زیر صدارت منعقد ہوا، جس میں صحافیوں کی فلاح و بہبود، تحفظ، پیشہ ورانہ ترقی، اور انہیں درپیش مسائل پر تفصیلی غور و خوض کیا گیا۔