کمشنر،سی سی پی او کی قیادت میں امن کارواں کا محرم جلوسوں و مجالس کا دورہ

لاہور(خصوصی رپورٹر)کمشنر لاہور کیپٹن (ر) محمد عثمان اور سی سی پی او لاہور کی قیادت میں جید علمائے اکرام و آئمہ عظام پر مشتمل امن کارواں نے لاہور کے محرم جلوسوں و مجالس کا دورہ کیا۔ امن کارواں نے پانڈو سٹریٹ، شادمان چوک، ٹھوکر نیاز بیگ، صدر گول چکر و دیگر علاقوں کا دورہ کیا۔کمشنر لاہور نے کہا کہ 9محرم کو پوری لاہور ڈویژن میں کیٹیگری اے کے 11 جلوس اور 56مجالس منعقد ہوئیں۔ لاہور میں اے کیٹگری کے 4 جلوس اور 46مجالس کا انعقاد ہواہے۔کمشنر لاہورنے کہا کہ آج لاہور ڈویژن کے کل جلوسوں کی تعداد 36 اور مجالس کی تعداد 503 ہے۔ لاہور میں کل جلوسوں کی تعداد 11اور مجالس کی تعداد 378ہے۔ کمشنر لاہور آفس کے مطابق امن کاروان ظہر کی نماز کے بعد ٹاون ہال سے روانہ ہوا۔دوبسوں میں کمشنر لاہور، سی سی پی او لاہور اور علمائے اکرام نے سوار ہوکر جلوسوں اور مجالس کا دورہ کیا۔لائسنس ہولڈرزاور زائرین سے ملاقاتیں بھی کی۔