اسلام آباد (خبر نگار) سپریم کورٹ پرنسپل سیٹ اسلام آباد میں آج پیر سے شروع ہونیوالے عدالتی ہفتے میں مقدمات کی سماعت کیلئے تین بنچ تشکیل دیدئیے گئے ہیں۔ سپریم کورٹ سے جاری ججز روسٹر اور کاز لسٹ کے مطابق بنچ نمبر ایک چیفجسٹس عمر عطا بندیال و جسٹس عائشہ ملک ، بنچ نمبر 2 جسٹس قاضی فائز عیسیٰ و جسٹس منصور علی شاہ جبکہ بنچ 3 جسٹس اعجاز الاحسن اور جسٹس جمال خان مندو خیل پر مشتمل ہو گا۔ کراچی ، لاہور ، پشاور اور کوئٹہ رجسٹریوں میں مقدمات کی سماعت کیلئے بنچز تشکیل نہیں دئیے گئے۔ اہم مقدمات میں سابق وفاقی وزیر شوکت ترین کے نیب کیس اور غیر معیاری سٹنٹ کیس کی سماعت چیف جسٹس کی سربرا ہی میں بنچ یکم ستمبر کو سماعت کرے گا جبکہ میشا شفیع کی اپیل کی سماعت جسٹس قاضی فائز عیسیٰ کی سربرا ہی میں دو رکنی بنچ 2 ستمبر کو کریگا۔
فرمان الہی
نماز کے اوقات
