• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکا کا ایران پر نئی پابندیاں لگانے کا اعلان

آج کا اخبار
یورپ سے
17 ستمبر ، 2022
نیویارک (نیوزڈیسک) امریکا نے ایران پر نئی پابندیاں عائد کرنے کا اعلان کردیا۔ نئی امریکی پابندیوں کی زد میں آنے والوں میں 10 ایرانی شہری اور کمپنیاں شامل ہیں۔امریکا کی جانب سے الزام عاید کیا گیا ہے کہ پابندی کا شکارہونے والے مبینہ طور پر سائبر حملوں میں شامل تھے، امریکی پابندیوں میں ایرانی ڈرونز کی تحقیق، ترقی اور پیداوار میں شامل کئی کمپنیوں کو بھی نشانا بنایا جائے گا۔واضح رہے کہ اس سے قبل بھی واشنگٹن تہران پر متعدد پابندیاں عاید کرچکا ہے، امریکا نے روس کو ڈرون طیارے فراہم کرنے کی پاداش میں ایران پر نئی پابندیاں عائد کی تھیں، جس میں بالخصوص ایرانی پاسداران انقلاب کو نشانا بنایا گیا تھا۔امریکی وزارت خزانہ نے ایک بیان میں واضح کیا تھا کہ امریکا، یوکرین میں فوجی آپریشن میں روس کو جنگی ڈرون فراہم کرنے میں ملوث ہونے پر ایرانی پاسداران انقلاب اور متعدد ایرانی کمپنیوں پر پابندیاں عاید کرے گا۔
یورپ سے سے مزید