بختاور بھٹو اور عالمگیر خان میں لفظی جنگ چھڑ گئی

22 ستمبر ، 2022

**بختاور بھٹو اور عالمگیر خان—فائل فوٹو**

سابق صدر آصف علی زرداری اور سابق وزیرِ اعظم بینظیر بھٹو کی صاحبزادی بختاور بھٹو اور پاکستان تحریک انصاف (پی ٹی آئی) کے رہنما اور رکنِ قومی اسمبلی عالمگیر خان کے درمیان سوشل میڈیا پر لفظی جنگ چھِڑ گئی۔

سماجی رابطے کی ویب سائٹ ٹوئٹر پر رکنِ قومی اسمبلی عالمگیر خان نے بختاور بھٹو کو مخاطب کرتے ہوئے کہا ہے کہ بختاور زرداری کہاں ہیں؟ جنہوں نے موجودہ حالات (سیلابی صورتِ حال) میں مجھ پر تنقید کی تھی۔

انہوں نے کہا ہے کہ میں سندھ میں ہوں، سیلاب سے متاثر ہونے والے اپنے سندھی بھائیوں کی خدمت کر رہا ہوں۔

عالمگیر خان نے یہ بھی کہا ہے کہ مجھے پتہ چلا ہے کہ شہزادی بختاور اپنے بچے کی سالگرہ میں مصروف ہیں۔

سابق وزیرِ اعظم بینظیر بھٹو کی صاحبزادی بختاور بھٹو نے عالمگیر خان کو جواب دیتے ہوئے کہا ہے کہ میں اپنے بیٹے کی سالگرہ کا کیک نہیں کاٹ رہی بلکہ اپنی سالگرہ کا کیک کاٹ رہی ہوں۔

بختاور بھٹو کا یہ بھی کہنا ہے کہ شکر ہے کہ میں اللّٰہ کے سامنے جوابدہ ہوں جو میرے اعمال اور کردار کا فیصلہ کرتا ہے۔

خاص رپورٹ سے مزید