فرمان الہی
نماز کے اوقات
ٹی 20 ورلڈ کپ 2022 میں پاکستان اور زمبابوے کے میچ سے قبل ہی ’مسٹر بین‘ اور ’پاک بین‘ ٹوئٹر پر ٹرینڈ کرنے لگا۔
لیکن گزشتہ روز پاکستان کی زمبابوے کے ہاتھوں اہم میچ میں ناقابل یقین شکست کے بعد سوشل میڈیا صارفین مزے مزے کے میمز بنا رہے ہیں اور کہہ رہے ہیں کہ بلاآخر زمبابوے نے اپنا بدلہ لے لیا اور مسٹر بین ہی پاکستان کے ہارنے کی اصل وجہ ہیں۔
مسٹر بین عرف پاک بین کی حقیقت کچھ اس طرح ہے کہ 2016 میں زمبابوے کے دارالحکومت میں ہرارے کے ایگزیبیشن پارک میں ایک زرعی شو منعقد ہوا تھا۔
اس شو میں پاکستانی کامیڈین آصف محمد عرف مسٹر پاک بین کو مدعو کیا گیا تھا، جو مسٹر بین (روون اٹکنسن) کے ہم شکل ہیں۔
مسٹر پاک بین نے اس شو میں اپنی شاندار پرفارمنس سے شائقین کے دل جیت لیئے تھے کہ آج بھی ان کے ذہن میں اس شو کی یادیں تازہ ہیں۔
اب حالیہ میچ سے قبل زمبابوے کرکٹ کے کچھ مداح اسی شو کو یاد کرتے ہوئے پی سی بی کی ایک پوسٹ پر کمنٹ میں تفریحاً لکھا کہ اس میچ میں زمبابوے اپنا بدلہ لے گا بارش کے سوا کوئی بچا نہیں سکے گا۔
اسی مداح کے کمنٹ پر سوشل میڈیا صارفین مسٹر بین کو ٹرول کرنے لگے جس پر اب صدر زمبابوے اور وزیر اعظم پاکستان نے بھی اپنا حصّہ ڈالا تو اس ٹرولنگ نے مزید طول پکڑلیا۔
