فرمان الہی
نماز کے اوقات
بارسلونا (جواد چیمہ) پاکستان مسلم لیگ ن اسپین کے زیر اہتمام 25دسمبر یوم پیدائش قائداعظم محمدعلی جناح اور سالگرہ میاں محمد نواز شریف کی تقریب کا انعقاد کیا گیا جس کی صدارت مسلم لیگ ن اسپین کے صدر حاجی راجہ اسد حسین نے کی،تقریب کا آغاز تلاوت قرآن مجید اور نعت رسول مقبولﷺ سے مرزا ندیم بیگ اور قاری عبدالرحمن نے کیا ، نظامت مرزا ندیم بیگ نے کی ۔تقریب میں حضرت عیسی علیہ السلام کی پیدائش کی خوشی ،پیدائش قائداعظم محمد علی جناح اور میاں محمد نواز شریف کی سالگرہ کے کیک کاٹے گئے ،تقریب سے صدر مسلم لیگ ن اسپین حاجی راجہ اسد حسین نے اپنے صدارتی خطاب میں کہا جو احباب ہماری تقریب میں شریک ہوئے سب کا شکریہ ادا کرتا ہوں، مسیحی برادری کو کرسمس کی مبارک باد پیش کرتا ہوں، مسلم لیگ ن اسپین کی جانب سے تمام احباب جو میاں نواز شریف سے محبت کرتے ہیں ان کی سالگرہ پرمبارک بادپیش کرتا ہوں ،قائد اعظم محمد علی جناح کو خراج تحسین پیش کرتا ہوں جنہوں نے ہمیں آزادی کی نعمت سے نوازا۔ انہوں نے کہاہم اپنی تنظیمات کے ذریعے تارکین وطن پاکستانیوں کی مشکلات کو حل کرنے کی تگ ودو کررہے ہیں ہم نے سیلاب متاثرین کیلئے فنڈز پاکستان بھیجے بیرسٹرامجد ملک نے کہا کہ تارکین وطن پاکستانی ہمارا سرمایہ ہیں جن دوستوں نے اپنے قائد کو مبارک باد کے پیغامات بھیجے ہم نے قائد میاں نواز شریف کو بھیج دئیے جس پر میاں محمد نواز شریف نے آپ کے پیغامات کا شکریہ ادا کیا۔ فاروق اعظم نے کہا کہ پاکستان کے حالات بہتر نہیں ہیں اللہ ہمیں عمران خان سے نجات عطافرمائے ۔عمران ساجد نے کہا کہ اللہ تعالی میاں نواز شریف کودوبارہ موقع عطا فرمائے کہ وہ ملک پاکستان کی خدمت کر سکیں ۔ راجو الیگزینڈرنے کہاکہ میری طرف سےکرسمس کی دلی مبارک باد، قائداعظم محمدعلی جناح نے ملک پاکستان دیا توقائد میاں نواز شریف نے ملک کی تعمیر کی۔ چوہدری سکندر مانگٹ نے کہا کہ میری طرف سے میلاد عیسی علیہ السلام مبارک ہو ،ہماری قوم کو ایک پرچم کے تلے جمع کرکے وطن جیسی نعمت دینے پر قائد اعظم محمد علی جناح کی سالگرہ مبارک ہو،وطن عزیز کو سنوارنے اور تعمیر وترقی میں آگے بڑھانے پر میں دل وجاں سے عزیز قائد میاں نواز شریف کی سالگرہ مبارک ہو ۔ پروفیسرطاہر عظیم نے کہا 25کادسمبر کا دن متبرک ہے۔ تقریب میں مسلم لیگ ن ،میاں نواز شریف اور قائداعظم محمد علی جناح زندہ باد کے نعرے بلند ہوتے رہے۔
