• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہباز اور بلاول پاکستان کے لئے گداگری کر رہے ہیں، شجاعت

آج کا اخبار
اہم خبریں
12 جنوری ، 2023
لاہور(نمائندہ جنگ)پاکستان مسلم لیگ ق کے صدر چوہدری شجاعت حسین نے کہا کہ گداگری کا الزام وزیر اعظم میاں محمد شہباز شریف اور وزیر خارجہ بلاول بھٹو زرداری کو ہر روز فقیر کہہ کر پکارا جا رہا ہے، وہ یہ گداگری پاکستان کیلئے کر رہے ہیں جس پر انہیں فخر ہونا چاہئے، ادھر ادھر سےمثالیں ڈھونڈ کر بیان دینے والوں کو بھی چاہیے کہ ہر قدم عوام کی خاطر اٹھایا کریں۔چودھری شجاعت کا کہنا تھا کہ وزیر اعظم اور وزیر خارجہ پاکستان میں موجود سیلاب زدگان کی بحالی کے ساتھ ساتھ عوام کی معاشی صورتحال بہتر بنانے کی خاطر پیسے مانگ رہے، یہ پیسے اگر انہیں چوک میں کھڑے ہو کر بھی مانگنے پڑے تو اس پر بھی انہیں فخر ہونا چاہیے اور اس نیک کام میں ہم بھی ان کے ساتھ شریک ہوں گے۔انہوں نے کہا کہ جو لوگ ادھر ادھر سے چند مثالیں ڈھونڈ کر بیان دیتے ہیں انہیں بھی چاہیے کہ ہر قدم عوام کی خاطر اٹھایا کریں۔
اہم خبریں سے مزید