فرمان الہی
نماز کے اوقات
لندن(زاھدانور مرزا)پاکستان مسلم لیگ ن کی مرکزی قیادت کا لندن میں اہم اجلاس ہوا۔ جس میں نوازشریف کی وطن واپسی پر غورکیا گیا۔پارٹی قائد نواز شریف کی قیادت میں مسلم لیگ ن کے رہنماؤں کا حسین نواز کے دفتر میں اجلاس ہوا ،اس موقع پر مریم نواز، رانا ثنا اللہ، جاوید لطیف اور پرویز رشید موجود تھے ۔ذرائع کے مطابق اجلاس میں ملک کی معاشی و سیاسی صورت حال پر نواز شریف کو بریفنگ دی گئی ، اجلاس میں نواز شریف کی وطن واپسی سے متعلق بھی غور کیا گیا۔ یاد رہے کہ گزشتہ روز گورنر پنجاب بلیغ الرحمٰن نے کہا تھا کہ نواز شریف ایک ماہ کے دوران پاکستان واپس آ جائیں گے اور میں خود ان کا استقبال کرنے ائیرپورٹ جاؤں گا۔ بلیغ الرحمٰن کا یہ بھی کہنا تھا کہ مریم نواز آئندہ ہفتے پاکستان پہنچ رہی ہیں اور ذرائع کے مطابق مریم نواز 29 جنوری کو پاکستان پہنچ رہی ہیں تاہم جب لندن میں صحافیوں نے مریم نواز سے وطن واپسی سے متعلق پوچھا تو انہوں نے پاکستان واپسی کی حتمی تاریخ بتانے سے گریز کرتے ہوئے کہا کہ جب کنفرم ہو گا تو بتا دوں گی۔
