• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاہور، ڈیفنس میں اسکول کی طالبہ پر کلاس کی سہیلیوں کا تشدد

آج کا اخبار
اہم خبریں
21 جنوری ، 2023
لاہور(خصوصی رپورٹر)ڈیفنس کے پرائیویٹ سکول میں نشے سےمنع کرنےپر لڑکیوں نے ساتھی طالبہ کو مبینہ تشدد کا نشانہ بناڈالا ،نشے سے انکار پرجنت ،کائنات ، عمائمہ ،نور نے قاتلانہ حملہ کیا ،والد،مقدمہ درج کرلیا گیا، ڈیفنس میں واقع پرائیویٹ سکول میں طالبات کی ساتھی طالبہ پرتشدد کی ویڈیو سامنے آ گئی ۔ ویڈیو فوٹیج میں 3 لڑکیوں کی جانب سے ایک طالبہ پر شدید تشدد کیا گیا ۔ متاثرہ طالبہ کے والد عمران کی مدعیت میں مقدمہ درج کر لیا گیا ہے ۔طالبہ کے والد نے ایف آئی آر میں بتایا ہے کہ بیٹی کی کلاس فیلو جنت آوارہ اور نشے کا شوق رکھتی ہے،ملزمہ جنت میری بیٹی کو نشے میں ملوث کرنا چاہتی تھی ۔ انکار کرنے پر جنت نے اپنی بہن کائنات ، عمائمہ ،نور رحمان کیساتھ مل کر میری بیٹی پر قاتلانہ حملہ کیا۔ملزمان نے بیٹی کی سونے کی چین چرالی بدترین تشدد بھی کیا ۔ ذرائع کا بتانا ے کہ تاحال پولیس کی جانب سے واقعہ میں ملوث کسی بھی لڑکی کو گرفتارنہیں کیا جا سکا۔
اہم خبریں سے مزید