• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

”پاکستان آئیڈل“ نے زندگی کو نئے موڑ پر لاکھڑا کیا، سامعہ گوہر

آج کا اخبار
اہم خبریں
06 دسمبر ، 2025
کراچی (محمد ناصر) پاکستان آئیڈل 2025 کی جادوئی آواز، سامعہ گوہر ٹاپ 16 میں شامل ہونے کے بعد آنے والے مقابلے کی تیاریاں لاہور میں بھرپور جوش اور محنت کے ساتھ جاری رکھے ہوئے ہیں۔ ”جیونیوز“ سے گفتگو کرتے ہوئے سامعہ کا کہنا تھا کہ ”پاکستان آئیڈل“ نے زندگی کو نئے موڑ پر لاکھڑا کیا وہ اپنی بہترین پرفارمنس پیش کرنے کیلئے دن رات ریاض کر رہی ہیں تاکہ اگلے مرحلے میں بھی شائقین موسیقی کو متاثر کر سکیں۔ اُنہوں نے بتایا کہ کراچی میں جب ہم باہر کھانے پینے جاتے تھے تو لوگ پہچاننا شروع ہوگئے تھے کہ دیکھو! یہ لڑکی ”پاکستان آئیڈل“ میں آتی ہے۔ تو یہ سب دیکھ کر مجھے بہت خوشی محسوس ہوتی تھی۔ سامعہ گوہر نیشنل کالج آف آرٹس (NCA) سے اسکالرشپ پر میوزیکولوجی میں گریجویشن کر چکی ہیں۔ اُنہوں نے کہا کہ گھر والوں نے کبھی دباؤ نہیں ڈالا کہ تم نے صرف ٹاپ ہی کرنا ہے اس لئے میں نے بھی بھر پور محنت کی تاکہ میں اپنے گھر والوں سامعہ کی والدہ، جو درس و تدریس کے شعبے سے وابستہ ہیں، کہتی ہیں کہ جب بیٹی اسٹیج پر پرفارم کرتی ہے تو دل کی دھڑکن تیز ہو جاتی ہے۔ سامعہ بطور میوزک پروڈیوسر بھی پروفیشنل کام کر رہی ہیں جہاں وہ مختلف فنکاروں کے ساتھ میوزک تخلیق کرتی ہیں۔
اہم خبریں سے مزید