• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈاکٹر معظم علی خان گورنمنٹ کالج یونیورسٹی حیدرآباد کے وائس چانسلر مقرر

آج کا اخبار
اہم خبریں
06 دسمبر ، 2025
کراچی( سید محمد عسکری) جامعہ کراچی کے سابق رجسٹرار ڈاکٹر معظم علی خان کو سندھ کے دوسرے بڑے شہر میں قائم واحد صوبائی سرکاری جامعہ “ گورنمٹ کالج یونیورسٹی حیدرآباد “ کا وائس چانسلر مقرر کردیا گیا ہے جس کا باقاعدہ نوٹیفکیشن جاری کردیا گیا ہے۔ ڈاکٹر معظم علی خان پیر کو اپنے عہدے کا چارج سنبھالیں گے۔ تلاش کمیٹی نے گورنمٹ کالج یونیورسٹی حیدرآباد کے عہدے کے لیے تین امیدواروں کے ناموں کا انتخاب کیا تھا۔ چیئرمین سندھ ہائر ایجوکیشن کمیشن ڈاکٹر طارق رفیع کی سربراہی میں تلاش کمیٹی کے اجلاس میں جامعہ کراچی کے سابق رجسٹرار اور انسٹی ٹیوٹ آف انوائرمنٹل اسٹیڈیز کے سابق ڈائریکٹر معظم علی خان کو پہلے نمبر پر رکھا گیا تھا جب کہ میرپورخاص کیمپس کے سابق پی وی سی اور آئی بی اے سندھ یونیورسٹی کے ڈائریکٹر ڈاکٹر امام الدین کھوسو کو دوسرے اور آئی بی اے سکھر یونیورسٹی کے پرو وائس چانسلر ڈاکٹر میر محمد شاہ کو تیسرے نمبر پر رکھا گیا تھا۔ “گورنمٹ کالج یونیورسٹی حیدرآباد” کے لیئے 164 امیدواروں نے درخواستیں دی تھیں جن میں سے 130 کو شارٹ لسٹ کیا گیا تھا اور امیدواروں کے انٹرویوز کئی روز تک جاری رہے۔ ان تین ناموں کو انٹیلیجنس کلیئرنس کے لیے ملک کی تین معتبر ایجنسیوں کو بھیجا گیا تھا جن کی کلیئرنس کے بعد وزیر اعلیٰ سندھ نے پہلے نمبر آنے والے معظم علی خان کو بطور وائس چانسلر مقرر کرنے کی منظوری دی۔
اہم خبریں سے مزید