فرمان الہی
نماز کے اوقات
لندن(صباح نیوز) مسلم لیگ ن کی سینئر نائب صدر اور چیف آرگنائزر مریم نواز لندن سے دبئی پہنچ گئیں، وہ ہفتے کی سہ پہر 3 بجکر 5 منٹ پر لاہور پہنچیں گی۔ کارکن ان کا پرتپاک استقبال کریں گے۔ تفصیلات کے مطابق قائد مسلم لیگ ن اور سابق وزیر اعظم نواز شریف نے مریم نواز کو ایون فیلڈ سے الوادع کیا، جو اب لندن سے دبئی پہنچ گئی ہیں ۔ ان کی پرواز براستہ دبئی ہفتہ کی سہ پہر 3 بجے لاہور پہنچے گی جبکہ پارٹی قیادت اور کارکن لاہور ائرپورٹ پر ان کا شاندار استقبال کریں گے۔دوسری جانب وفاقی وزیر اطلاعات مریم اورنگزیب نے سوشل میڈیا پر اپنے ایک پیغام میں پارٹی کی سینئر نائب صدر کی لندن سے روانگی اور پاکستان پہنچنے کے شیڈول سے آگاہ کیا۔ انہوں نے بتایا کہ مریم نواز لندن سے دبئی پہنچ گئی ہیں ،وہ ہفتہ کی سہ پہر 3 بجکر 5 منٹ پر لاہور پہنچیں گی اور پارٹی قیادت اور کارکن لاہور ائرپورٹ پر ان کا شاندار استقبال کریں گے۔
