فرمان الہی
نماز کے اوقات
عمران خان نے ایک بار پھر امریکہ کے ساتھ مل کر چلنے اور خوشگوار تعلقات استوار کرنے کے عزم کا اظہار کر دیا، اس بار انہوں نے امریکی پارلیمینٹرینز کے وفد کے ساتھ ملاقات میں اس خواہش کا اظہار کیا۔
زمان پارک لاہور میں ہونے والی ملاقات میں امریکی وفد میں کیلیفورنیا پارلیمینٹ کے ممبران کرس ہولڈن، وینڈی کیری لو، مائیک گپسن، ریز ایلوئس شامل تھے۔
وفد میں پاکستانی نژاد ڈاکٹر آصف محمود اور خالد نذیر بھی موجود تھے۔
ملاقات کے دوران عمران خان نے پنجاب کیلیفورنیا سسٹر اسٹیٹ کے حالیہ معاہدے کو سراہا اور اس کےلیے کوشش کرنے والے ڈاکٹر آصف محمود اور کیلفورنیا پارلیمینٹ کے ممبران کا شکریہ بھی ادا کیا۔
اس موقع پر عمران خان کی خواہش پر امریکی پارلیمنٹیرینز نے عمران سے الگ ملاقات بھی کی۔
ذرائع کے مطابق ملاقات کے دوران عمران خان کے امریکہ مخالف بیانیے کے حوالے سے بھی گفتگو ہوئی۔
