وزیراعلیٰ کے معاون خصوصی طارق حسن سے سنی تحریک کے وفد کی ملاقات

کراچی(اسٹاف رپورٹر) مسلم لیگ ق سندھ کے صدر اور وزیر اعلیٰ سندھ کے معاون خصوصی طار ق حسن سے پاکستان سنی تحریک کے رہنما فہیم الدین شیخ کی قیادت میں وفد کے ہمراہ ملاقات، ملاقات میں ملک کی سیاسی ومعاشی صورتحال پر تبادلہ خیال کیا،اس موقع پروفد میں شامل سنی تحریک مرکزی رابطہ کمیٹی کے ارکان محمد آفتاب قادری،محمد طیب قادری اور مسلم لیگ ق سندھ کے سیکریٹری اطلاعات صادق شیخ،مسلم لیگ ق کراچی ڈویژن کے صدر جمیل احمد خان بھی موجود تھے،اس موقع پر گفتگو کرتے ہوئے فہیم الدین شیخ نے کہا کہ ملک کے معاشی حالات ابتر ہوتے جارہے ہیں پاکستان سنی تحریک چاہتی ہے کہ تمام اکائیاں مہنگائی وبے روزگاری کی روک تھام کیلئے مشترکہ لائحہ عمل طے کریں،عوام مذہبی وسیاسی جماعتوں پر نظریں مرکوز کئے ہوئے ہیں کہ مہنگائی وبے روزگاری کے خلاف کون کردار ادا کریگا،بحیثیت پاکستانی ملک کی تمام مذہبی وسیاسی جماعتوں کی ذمہ داری ہے کہ وہ غریبوں کی آواز بنیں،ملک میں مہنگائی کی روک تھام کو یقینی بنانے کیلئے عوام کی آواز بنیں۔