حکومت نے عمران کے قافلے میں وزیراعلیٰ جی بی کے شامل ہونے کا نوٹس لے لیا

اسلام آباد ( آن لائن ) عمران خان کی اسلام آباد میں عدالت میں پیشی کا معاملہ ، وفاقی حکومت نے عمران خان کے قافلے میں سرکاری پروٹوکول کے ساتھ وزیراعلیٰ گلگت بلتستان کے شامل ہونے کا سخت نوٹس لے لیا ۔ ذرائع کا کہنا ہے کہ خالد خورشید کے مسلح گارڈز کے ساتھ قافلے میں شامل ہیں وفاقی حکومت کے واضح احکامات کے باوجود جی بی پولیس اہلکار عمران خان کو سکیورٹی دے رہے ہیں ۔ وفاقی حکومت کے ذرائع کا کہنا ہے کہ وزیراعلیٰ سیاسی ریلیوں اور عدالت پیشی کے موقع پر سرکاری سکیورٹی عمران خان کو نہیں دے سکتے اس حوالے سے وفاقی حکومت نے وزیراعلیٰ خالد خورشید کیخلاف کارروائی کیلئے مختلف آپشنز پر غور شروع کردیا ہے۔