فرمان الہی
نماز کے اوقات
دیامر(آئی این پی) چلاس میں لینڈ سلائیڈنگ کے بعد سیاحتی مقام فیری میڈوز کی سڑک بند ہونے سے پھنسے سیاحوں کو ریسکیو کرنے کا عمل جاری ہے۔ذرائع کے مطابق فیری میڈوز میں پھنسے سیاحوں کو گزشتہ روز ہیلی کاپٹر کے ذریعے ریسکیو کیا گیا تھا تاہم موسم کی خرابی کے باعث ہیلی کاپٹر سروس روک دی گئی تھی، سڑک سے بھی ریسکیو کیا جارہا ہے۔پولیس کے مطابق چلاس روڈ بھی لینڈ سلائیڈنگ کے باعث متعدد مقامات پر بند ہے اور تھورمنیارمیں لینڈ سلائیڈنگ سے شاہراہ قراقرم عارضی طورپربند ہوگئی ہے پولیس کا کہنا ہے کہ سیاحوں کو بذریعہ سڑک بھی ریسکیو کیا جا رہا ہے اور ابھی بھی کافی تعداد میں سیاح پھنسے ہوئے ہیں۔اس حوالے سے ڈپٹی کمشنر نے بتایا کہ این ڈی ایم اے کی ٹیم متاثرہ علاقوں میں پہنچ گئی ہے، لاپتا افراد کی تلاشی کیلئے پاک فوج سمیت دیگر ادارے آپریشن میں حصہ لے رہے ہیں۔
