تاریخ میں پہلی بار لندن رمضان کے استقبال کیلئے روشنیوں سے جگمگا اُٹھا

20 مارچ ، 2023

تاریخ میں پہلی بار رواں سال لندن کے مشہور ویسٹ اینڈ کو رمضان کے مقدس اسلامی مہینے کے موقع پر سجایا گیا ہے۔

لندن کی کوونٹری اسٹریٹ، جو شہر کے دو مصروف ترین مقامات پیکاڈلی اور لیسٹر اسکوائر کو جوڑتی ہے، اسے ’رمضان‘ کی آمد سے قبل چاند ستاروں والی لائٹس لگا کر روشن کیا گیا ہے۔

ان لائٹس کو ’فانوس‘کہا جاتا ہے جوکہ عام طور پر رمضان کے مہینے میں مشرق وسطیٰ، خاص طور پر مصر میں سڑکوں کو سجانے کے لیے استعمال ہوتی ہیں۔

ویسٹ اینڈ لندن میں شاپنگ اور سیاحت کے لیے ایک مقبول مقام ہے اور یہاں رمضان کے مہینے میں امیر خلیجی سیاحوں کا اضافہ غیر معمولی بات نہیں ہے، جسے برطانوی میڈیا کی جانب سے’رمضان رش‘ کا نام دیا گیا ہے۔

واضح رہے کہ لندن میں مسلمانوں بہت بڑی تعداد میں رہائش پذیر ہیں۔

لندن کے مشہور ویسٹ اینڈ کو اس وقت لائٹس لگا کر سجایا گیا جب برطانیہ کی سب سے قدیم اور سکے بنانے والی کمپنی رائل منٹ نے ایک سونے سے بنا ہوا بلین بار جاری کیا ہے، جس پر مکہ مکرمہ میں موجود اسلام کے مقدس ترین مقام کعبہ کو دکھایا گیا ہے۔

خاص رپورٹ سے مزید