• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران خان نے انتخابی تیاریوں کیلئے پارٹی الیکشن سیل قائم کردیا

آج کا اخبار
اہم خبریں
27 مارچ ، 2023
لاہور( این این آئی)چیئرمین تحریک انصاف عمران خان نے انتخابات کی تیاریاں جاری رکھنے کا فیصلہ کیا ہے۔عمران خان نے انتخابی امور کے لیے پارٹی کا الیکشن سیل قائم کر دیا ہے جس کے لئے پارٹی کے سینئر رہنما ہمایوں اختر خان کو فوکل پرسن مقرر کیا گیا ہے۔پی ٹی آئی کے الیکشن سیل میں اعجاز چوہدری‘ ریاض فتیانہ‘ رائے عزیز اللہ بطور ممبر کام کریں گے۔ پارٹی الیکشن سیل انتخابات کے حوالے سے تکنیکی امور کو دیکھے گا، ووٹر لسٹوں، بلاک کوڈز اوردیگر تکنیکی معاملات پر امیدواروں کی معاونت بھی کرے گا۔عمران خان نے کہا ہے کہ الیکشن سیل بھرپور اندازسے انتخابی امور سے پارٹی قیادت اور امیدواروں کو آگاہ رکھے گا، آئین کے مطابق انتخابات ہو کر رہیں گے،حکمرانوں کو اس سے بھاگنے نہیں دیں گے، حکمرانوں کو آئین سے انحراف کر کے انتخابی عمل سبوتاژ کرنے کے خلاف آئینی قانونی اورسیاسی محاذ پر جدوجہد کریں گے۔
اہم خبریں سے مزید