• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیلم جہلم کی ٹیل ریس ٹنل کا 150 فٹ منہدم حصہ بحال

آج کا اخبار
اہم خبریں
25 اپریل ، 2023
اسلام آباد (این این آئی)نیلم جہلم پراجیکٹ کی بحالی کے کام میں عید کے روز ایک اہم پیش رفت ہوئی ہے،پراجیکٹ کی ٹیل ریس ٹنل کا 150 فٹ منہدم حصہ بحال کر دیا گیا بجلی کی دوبارہ پیداوار جولائی کے آخر تک شروع کی جائے۔واپڈا کے ترجمان کے مطابق پراجیکٹ کی ٹیل ریس ٹنل کا 150فٹ منہدم حصہ بحال کر لیا گیا ہے، چیئرمین واپڈا لیفٹیننٹ جنرل (ر) سجاد غنی نے نیلم جہلم پراجیکٹ کا دورہ کیا اور اس پراجیکٹ کی بحالی کے کام میں سامنے آنے والی پیش رفت کا جائزہ لیا۔ترجمان واپڈا نے بتایا کہ چیئرمین واپڈا نے پراجیکٹ ٹیم، کنٹریکٹرز اور کنسلٹینٹس کے کام کو سراہا۔پراجیکٹ حکام کے مطابق بین الاقوامی ماہرین کی رپورٹ کے مطابق پراجیکٹ کی بحالی کا کام جاری ہے، ٹیل ریس ٹنل میں کنکریٹنگ کے لیے ہائیڈرالک شٹر نصب کیا جا رہا ہے۔چیئرمین واپڈا نے پراجیکٹ کے حکام کو ہدایت دی کہ پراجیکٹ سے بجلی کی دوبارہ پیداوار جولائی کے آخر تک شروع کی جائے۔
اہم خبریں سے مزید