فرمان الہی
نماز کے اوقات
لاہور( این این آئی)وزیر اعلیٰ پنجاب کیلئے عثمان بزدار، پرویز الہٰی پی ٹی آئی کے مضبوط امیدوار ؟تحریک انصاف کے چیئرمین عمران خان کی جانب سے پنجاب میں ٹکٹوں کی تقسیم کے معاملے پر جہاں بہت سے لوگ اپنے خدشات کا اظہار کر رہے ہیں وہیں تحریک انصاف کی کامیابی کی صورت میں پنجاب کی وزارت اعلیٰ کے نام پر بھی قیاس آرائیاں شروع ہو گئی ہیں ، پنجاب اسمبلی کا ٹکٹ نہ ملنے پر شاہ محمود قریشی ، فواد چوہدری اور حماد اظہر کی وزیر اعلیٰ پنجاب بننے کی خواہش پر اوس پڑ گئی ہے اورعثمان بزدار اور پرویزالٰہی بڑے ناموں کے مقابلے پر نہ ہونے کی وجہ سے انتہائی خوش ہیں ہیں ،یہ چہ مگوئیاں بھی ہو رہی ہیں کہ عمران خان کامیابی کی صورت میں عثمان بزدار کی طرز پر کوئی سرپرائز دے سکتے ہیں ۔ پنجاب ٹکٹوں کی تقسیم کے بعد تحریک انصاف میں آئندہ کی سیاست کے حوالے سے بحث زور پکڑ گئی ہے جس میں پنجاب کی وزارت اعلیٰ اہم ترین موضوع ہے ۔سیاست پر گہری نظر رکھنے والے سنجیدہ سیاستدانوں کا کہنا ہے کہ تحریک انصاف کی جانب سے پنجاب اسمبلی کے انتخابات کے لئے ٹکٹ کے اجراء کی ابتدائی طور پر جو فہرست سامنے آئی ہے اس میں وزار ت اعلیٰ کے دو نام ہی ذہن میں آتے ہیں جو پرویز الٰہی اور عثمان بزدار کے ہیں تاہم میاں اسلم اقبال اور میاں محمود الرشید بھی اس دوڑ میں شامل ہو سکتے ہیں۔
