• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عیدالفطر پر پاکستان اور بھارت کی سرحدی فورسز میں مٹھائی کا تبادلہ

آج کا اخبار
اہم خبریں
25 اپریل ، 2023
لاہور(نمائندہ جنگ) عیدالفطر کے موقع پر پاکستان اوربھارت کی سرحدی فورسز کے مابین خیرسگالی طور پرمٹھائی کا تبادلہ اورایک دوسرے کے لئے نیک خواہشات کا اظہار کیا گیا۔لاہورکے واہگہ اٹاری بارڈر پر پاکستان رینجرزپنجاب اور بارڈرسکیورٹی فورس (بی ایس ایف ) انڈیا کے مقامی کمانڈروں کے مابین مٹھائی کا تبادلہ ہوا ،اسی طرح قصور میں گنڈا سنگھ والا بارڈر، ہیڈسلیمانیکی دیگرسرحدی علاقوں میں بھی دونوں ملکوں کی سرحدی فورسز نے ایک دوسرے کے ساتھ مٹھائی اورخیرسگالی کا اظہار کیا۔پاکستان اوربھارت کے مابین گزشتہ کئی برسوں سے تعلقات کشیدہ ہیں تاہم دونوں ملکوں کی سرحدی فورسزایک دوسرے کے مذہبی اورقومی تہواروں کا مٹھائی اورتحائف کا تبادلہ کرتی ہیں۔ بیساکھی اوردیوالی کے موقع پربھی دونوں ملکوں کے مابین مٹھائی اورتحائف کا تبادلہ کیا گیا تھا۔عید کے دنوں میں واہگہ بارڈرپر پریڈ دیکھنے آنیوالے شہریوں کا کہنا تھا بھارت کے ساتھ کشمیرکو لیکرہمارے تعلقات کشیدہ ہیں کیونکہ پاکستان کا کشمیر سے متعلق ایک اصولی موقف ہے تاہم یہ اچھا اقدام کے دونوں ملک ایک دوسرے کے مذہبی ،قومی تہواروں پرایک دوسرے کے لئے خیرسگالی کااظہار کرتے ہیں۔
اہم خبریں سے مزید