• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پرویز الٰہی کے قریبی ساتھی امجد پرویز بٹ مبینہ طور پر لاپتہ

آج کا اخبار
اہم خبریں
26 اپریل ، 2023
گجرات (نمائندہ جنگ)سابق وزیر اعلیٰ ،پاکستان تحریک انصاف کے صدر چوہدری پرویز الٰہی اور چوہدری مونس الٰہی کے قریبی ساتھی سابق چیئرمین سالڈ ویسٹ مینجمنٹ امجد پرویز بٹ مبینہ طور پر اچانک لاپتہ ہوگئے، نامعلوم شخص ان کی گاڑی شاپنگ مال کی پارکنگ میں چھوڑ گیا۔عید کے روز امجد پرویز کی کنجاہ ہاؤس میں پرویز الہٰی سے ملاقات ہوئی تھی۔ امجد پرویز گھر سے سودا سلف لینے نکلے اور پھر گھر نہ آئے، گھر والوں نے فون پر رابطہ کیا تو فون بھی بند تھا۔ٹریکر کی مدد سے گاڑی ٹریس کرنے پر امجد پرویز کی گاڑی پرانی جی ٹی روڈ پرواقع شاپنگ مال کی پارکنگ سے ملی۔ جس کی سی سی ٹی وی فوٹیج سامنے آنے پر پتہ چلا کہ نامعلوم شخص نے گاڑی لا کر پارکنگ سٹینڈ پر کھڑی کی اور دوسری گاڑی میں بیٹھ کر نکل گیا۔امجد پرویز بٹ کا شمار چوہدری پرویز الٰہی،چوہدری مونس الٰہی کے متحرک اور قابل اعتماد ساتھیوں میں ہوتا ہے، جنہیں چوہدری پرویز الٰہی کی وزارتِ اعلیٰ کے دور میں چیئرمین سالڈ ویسٹ مینجمنٹ بنایا گیا تھا، جبکہ وہ میڈیسن ڈسٹری بیوٹر بھی ہیں۔امجد پرویز کے بڑے بھائی سجاداحمد بٹ کی جانب سے تھانہ رحمانیہ میں بھائی کے اغواءپر اندراج مقدمہ کی درخواست دیدی گئی ہے، تاہم گجرات پولیس و سکیورٹی اداروں کی جانب سے واقعے سے اظہار لاعلمی کیا جا رہا ہے۔
اہم خبریں سے مزید